Product Review

Hver þekkir Alex? Hún er falleg og snjöll. Heillandi. Er það ástæða þess að henni er rænt og haldið í yfirgefnu vöruhúsi í París þar sem hún þarf að þola hroðalegri pyntingar en orð fá lýst? Þegar lögreglan kemst loks á slóðina er hún horfin. Alex er hrollvekjandi, myrkur og lævíslega fléttaður spennutryllir í anda Hitchcocks; frumleg og ófyrirsjáanleg saga sem rígheldur allt til síðustu blaðsíðu. Pierre Lemaitre er margverðlaunaður höfundur og einn vinsælasti spennusagnameistari Frakka. Hann hlaut meðal annars hin virtu Goncourt-bókmenntaverðlaun árið 2013 og alþjóðlega rýtinginn 2013, verðlaun CWA, samtaka breskra glæpasagnahöfunda.